Politi og ambulanse rykte ut då ein syklist blei påkøyrd i Os sentrum tysdag. (Lesarbilde)

Blei påkøyrd - for andre gong

Syklisten som blei påkøyrd i eit fotgjengarfelt i Os sentrum i går var nyleg utsett for noko liknande. No er han meldt.

Av: Kjetil Vasby Bruarøy

Tysdag formiddag blei ein person påkøyrd i fotgjengarfeltet mellom gjestebrygga og Torggata på Hatvikvegen i Os sentrum.

Politiet opplyste på Twitter at det var ein fotgjengar som var påkøyrd. Det var ein mjuk trafikant, men vedkomande var på sykkel.

– Det er andre gong på kort tid at vi har påkøyrsle av syklist i fotgjengarfelt i Os og det er same person som er påkøyrd, fortel lensmann Oddbjørn Dyrdal.

Syklisten, ein mann i 20-åra, er meldt for forholdet.

– Så lenge syklisten sit på sykkelen så er han førar av eit køyretøy og må ta omsyn til dette. Han hadde vikeplikt då han skulle kryssa fotgjengarfeltet, i motsetnad til om han hadde gått av sykkelen og leia den over.