Denne fekk ikkje plass på Sotra

Etter nokre år med tivoli i mai og juli var det i fjor tivoli under marknadsdagane i Os siste helga i juni.

– Det var stor suksess med langt betre besøk enn tidlegare år, seier Roy Andersen frå Skandinavisk Tivolipark.

Sjå bildeserie frå tivoliet i Os i fjor sommar.

Andersen er no på tivoliturné på Vestlandet.

– Førre helg var vi på Askøy, no held vi på å rigga oss opp ved Sartor Senter, der vi opnar torsdag.

Til Os i neste veke

Torsdag neste veke opnar marknadsdagane i Os, same dag er tivoliet på plass på grusbanen mellom Os kyrkje og Os ungdomsskule.

– Det er veldig hjelpsame og hyggelege folk i Os, frå lensmann og rektor til leiar for sentrumsforeninga.

– Vi gler oss til å koma tilbake og har i år med oss ein ny berg-og-dalbane. Bergbanen var for lang til plassen vi har fått på Sartor, så den fraktar vi direkte til Os på ein 22,5 meter lang trailer, fortel Andersen.