Etterlyser vitner

Tysdag omlag 11.20 mista ein bil med fire ungdommar veggrepet og køyrde på ein 66-årig mann som var ute og lufta hunden.

Mannen er framleis kritisk skadd, melder Haukeland sjukehus torsdag førmiddag.

Føraren av bilen fekk rutinemessig beslaglagt førarkortet på staden.

- Vi har gjennomført avhøyr av dei fire ungdommane, men ønskjer på grunn av skadens alvorlege karakter å kartlegge hendinga grundigare, fortel lensmann Rasmus Dalen ved Os lensmannskontor.

Lensmannskontoret etterlyser no vitner som kan vera med å belyse bilen sin ferd før ulykka.

- Dei fire var på veg frå yrkesskulen og køyre Ulvenvegen retning Meny.

- Dei køyrde frå skulen omlag 11.15. Om det er nokon som har opplysningar som kan hjelpe med å belyse kva som skjedde, også i minuttane før ber vi dei kontakta oss, oppmodar lensmann Dalen.

Os lensmannskontor treff du på telefon 56 30 39 00 eller 480 02 480.

(Av omsyn til familien til den alvorleg skadde mannen har vi tatt vekk kommentarfunksjon til denne saka. Trafikktryggleik kan de gjerne diskutera på Midtsiden.no, men vi fann nokre av innlegga upassande som supplement til denne saka.)