Fann tjuvgods hos gut (19)

Måndag morgon blei det oppdaga at det har vore innbrot på Os vgs.

Nokon hadde brote opp ei dør og blant anna romstert rundt på nokre kontor.

PC, PC-utstyr og eit fotoapparat var blant det som var sakna.

Gut mistenkt

Politiet var på staden, sikra spor og gjekk i går til aksjon mot ein 19 år gamal gut.

– Vedkomande er ein kjenning av oss og vi fann tjuvgods heime hos han, fortel politioverbetjent Audun Hadler-Olsen.

Nektar skuld

Mistenkte blei plassert i fengsleg forvaring, men vil ikkje bli framstilt for varetekt.

Han nektar ifølgje politiet for å stå bak innbrotet.

Krangel og trafikkontroll

Måndag i 22-tida rykte politiet også ut for å mekla mellom eit sambuarpar.

– Vitne ringte inn og fortalte om høglytt krangel. Kranglinga hadde heldigvis ikkje resultert i noko meir.

I 23-tida hadde politiet ein trafikkontroll på Halhjemsvegen.

12 bilar blei kontrollert der alt var OK.