midtsiden

Første gong med eigne låtar

Sundag spelar ho på heimebane, for første gong med eige materiale.

Av: Andris Hamre

Sist Annveig Myklebust Fjellstad vitja Os spelte ho med Songbirds i Os kyrkja. Då var det låtar av mellomanna Iron Maiden, Cyndi Lauper og The Beatles som sto på reportoaret.

Sundag tek Annveig med seg gode musikkvener til Galleri Solbakkestova for å presentere meir eigenprodusert materiale.

- Det blir mange av mine eigne låtar, men ein og anna coverlåt snik vi innimellom.

Ikkje plate enno

Annveig Myklebust Fjellstad har halde på med musikk i 12 år, men først dei siste månadene har ho satt av tid til å prioritera musikken og sine eigne låter.

- Det har vore utruleg kjekt å ta seg tid til å fokusera på seg sjølv og musikken. Difor blir det spennande å presentere låtane for Ospublikummet på sundag, fortel Annveig.

- Kan vi venta ei plateutgiving frå deg no då?

- Eg har ikkje dei heilt store ambisjonane om plateutgiving enno, men det er klart at om publikum liker det dei får høyre og det er eit marknad for det så hadde det vore kjekt å gi ut ei plate, smilar Annveig Fjellstad.

Frå ungdomsskule til pensjonistar

Sundagens konsert i Solbakkestova klokka 19 favnar eit breitt publikum.

- Billettsalet har vore bra, og det er ei stor spredning i publikummet frå ungdomsskuleelevar til pensjonistar.

- Dei kan venta seg ei blanding av pop, rolege viser og jazzinspirerte toner, forklarar songaren.

Første gong saman

Med seg på scena har ho fått dyktige musikarar som pianist Stein Bakke, bassist Arne Hernes, gitarist Henrik Johannessen og trommis Ken Williams.

- Eg har ikkje eit fast band som eg spelar med, så det blir ei heilt ny oppleving for både oss og publikum.

- Dei er utruleg dyktige musikerar som eg gler meg stort til å spele saman med, avsluttar Annveig Myklebust Fjellstad.

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.