Første sommarsignering for Lysekloster
Ståle Steen Sæthre har erfaring frå blant anna Stabæk, Asker og Førde. I dag blei han speleklar for Lysekloster.
Midtbanespelar Ståle Steen Sæthre (22) går frå Førde til Lysekloster.
– Vi signerte avtalen torsdag og fekk siste rest av papirarbeidet klart i dag, så han er speleklar allereie når vi møter Loddefjord borte i morgon, seier hovudtrenar Ørjan Sandal.
På trening fredag ettermiddag fekk han møta medspelarane i sin nye klubb.
Aust- og Vestlandet
Ståle er vaksen opp i Bergen, men flytta til Austlandet som ungdom.
Der har han blant anna spelt for Stabæk i Tippeligaen (2012) og Asker (2013) i 2. divisjon.
– Då han flytta til Bergen igjenspelte han for FK Fyllingsdalen, men gjekk så til Førde før årets sesong, fortel Sandal.
– Vi har visst om han ei stund, og vore interessert i han før, og vi er glad han kom til oss når han no kom tilbake til bergensområdet.
Ein av fleire
Lysekloster skal styrka stallen med 4 til 6 nye spelarar før haustsesongen.
Ein av spelarane dei har vist interesse for er Os sin toppskårar Christer Olsen, som fyller 26 år i dag.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.