Her går seglbåten ned

VIDEO: Sjå den eine av dei to seglbåtane i Askvik søkka – og bildeserie frå dagen derpå i den øydelagde marinaen.

image
image
image
image
image
image
image
image
Av: Kjetil Vasby Bruarøy

Laurdag kveld rykte Os brannvesen ut til Askvik Brygge for å hjelpa til med å redda fleire båtar i stormen.

– Eg er utruleg takksam for innsatsen deira. Båten min hadde truleg gått ned om dei ikkje fekk den inn til kaien, seier Johnny Njøten til Midtsiden.

To andre var ikkje like heldige, seglbåtane deira gjekk ned tidlegare på ettermiddagen og ligg på 30-40 meter djupne i dag.

– Båten min er ti år gamal, men då eg kjøpte den for halvanna år sidan var den heilt strøken og nyoppussa i skroget. No har den fleire sprekker og skutesida er skrapt opp, fortviler Njøten.

– Eg heldt meg heime i går, og håpte det var min dei hadde redda då eg las om det. Det var det, men det var likevel eit forferdeleg syn å sjå det øydelagde bryggeanlegget og alle dei skadde båtane i dag.

– Der verste eg har sett

I tillegg til to seglbåtar som ligg under vatn er det ei snekke som låg i ein bøye litt aust for bryggeanlegget som har gått ned.

Ein skjergardsjeep av merket Rana ligg med kjølen opp og motoren under vatn, i tillegg har brygga fått omfattande skadar på utriggarane.

MS Samba var i dag på staden og løfta opp utriggar etter utriggar mens bryggene blei reparert. Andre la båtane side om side langs med flytebrygga.

– Eg har vakse opp i Askvik og dette er det verste eg har sett! seier Georg Askvik.

Den tidlegare medeigaren i Askeladden har utsikt over bryggeanlegget og filma då den eine seglbåten gjekk ned.

Hans eigen Askeladden låg trygt i ei privat brygge rett innanfor.

VIDEO: Sjå seglbåten gå ned då stormen Nina herja med Askvik Brygge. (Lesarfoto: Georg Askvik)

Fleire saker

bilde-midtsiden

Nye Flesland

19. august 2017

Les om arkitekturen og kapasiteten - og se liste over de nye butikkene og restaurantene.

bilde-midtsiden

Frå Fana til Os

18. august 2017

Etter to sesongar i 2. divisjon har Skage Simonsen Lehland (19) blitt klar for Kuventræ.

bilde-midtsiden

Sommaren gjorde comeback!

18. august 2017

Fredag midt på dagen fekk vi ein forsmak på finvêret vi har i vente frå søndag og ut neste veke.

bilde-midtsiden

Framdrift på Lyssand

18. august 2017

Gatelys kan koma i oktober, men Hegglandsdalsvegen må utbetrast og flyttast før gangveg kan byggast.

bilde-midtsiden

– Vern om verdiane i hamna

18. august 2017

Natt til torsdag blei utstyr stole frå ein båt i Hatvik. – Dette er ei tid med høgare risiko for tjuveri, åtvarar politiet.