– Her kan fleire ha glede av den

Tore Lunde sitt firma Norden Maritime AS var for første gong blant kjøparane under årets skulptursymposium i Os.

Les òg: Byrjar å ta form

Kjøparane betalar same sum, men veit ikkje kva dei får før under trekninga.

– Eg hadde Livets tre av Nagy Fareed frå Egypt som førsteval og blei veldig glad då eg fekk denne, seier Tore, som er bror til den kjente trommespelaren Magne Lunde.

På plass ved fjorden

Norden Maritime produserer komposittmateriale til offshorenæringa og har produksjon i Kolskogen, i den eine av dei to store bygningane kistefabrikken Sibi brukte.

Lunde hadde først tenkt å ha skulpturen ståande i foajeen på fabrikken sin.

– Men så fann eg ut at eg ville at fleire skulle få glede av denne, og snakka med styret i bufelleskapen i Vindu mot Fjorden og Os kommune om saka.

Tore bur sjølv i Vindu mot Fjorden og fekk grønt lys av både styre og kommune.

Les òg: Sjøsette møbel

Onsdag kom skulpturen på plass, takka vera gode hjelparar.

– Eg har plan om ein liten avdukingsseremoni òg, men det blir litt seinare i haust, seier Tore Lunde.