I forhandlingar med politiet

I formannskapet i neste veke vil prosjektsjef Halvor Hanevik orientere og drøfta en eventuell ny politistasjon på Moberg med politikarane.

Politiets Fellestjenester søkte i august etter lokale til nytt lensmannskontor i Os. Os kommune meldte si interesse og blei kvalifisert til å gje tilbod. Dette blei levert innan fristen 7. november.

– Den 15 november 2017 vart det gjennomført eit forhandlingsmøte med Politidistrikt vest, Os lensmanskontor og eigedomsforvaltinga sentralt i Politiet. Utfallet av forhandlingsmøtet var ønskje om reduksjon av areal på grunn av endra behov hjå politiet. Nytt romprogram, saman med nye byggtekniske krav frå politiet, gjorde at administrasjonen valde å programmere eit nytt bygg. Revidert tilbod med ny løysing vart sendt til Politiet 13.12.17, skriv Hanevik i saksutgreiinga til formannskapet.

Kortare leigeavtale

Eit nytt forhandlingsmøte blei gjennomført på nyttårsaften kor Os kommune gjekk gjennom det reviderte tilbodet.

– Nye teikningar vart presentert og forhold i leigekontrakt og pris på leige vart diskutert. Politiet informerte i dette møtet om at dei ønskjer eit leigeforhold med kortare leigeperiode enn det som ligg til grunn i konkurranseutlysinga.

– Administrasjonen vil i møtet legge fram sine vurderingar rundt framtidig eventuell leigeavtale med Politiet, skriv Hanevik.

Nært foreståande

Midtsiden snakka tidlegare i dag med lensmann Oddbjørn Dyrdal om den nye politistasjonen. Han kunne ikkje seie noko om status, anna enn at ei avgjer frå politiet si side truleg er nært foreståande.

– Eg har vore tydleg i mi tilråding om at eit avgjer må takast så snart som mogleg, fortalde lensmannen.

Midtsiden er kjend med at det har vore fleire tilbydarar enn berre kommunen.