Leik til Tippeligaen

Torsdag var Vegard Leikvoll Moberg frå Os i møte med Sogndal, fredag ettermiddag blei det klart at Tippeliga-klubben hentar Åsane-kapteinen.

– Han er ein fysisk robust spelar med mykje rutine, seier Håvard Flo om osingen, ifølgje sogndalfotball.no.

Leikvoll Moberg var på si første trening på Fosshaugane Campus fredag kveld. Han får draktummer 16.

Sogndal TV: Dette seier Eirik Bakke om Vegard

Vegard gjekk frå Os til Åsane i forkant av 2011-sesongen, etter at Os rykte ned frå 2. divisjon hausten 2010. No får han oppfylt det som lenge har vore draumen, å spela fotball på fulltid i høgaste divisjon i Noreg.

– Ville innfri Vegard sitt ønske

Verken Åsane eller Sogndal vil seia noko om overgangssummen, men Håvard Flo uttaler til Åsane Tidende at han er sikker på at Åsane er nøgd med den økonomiske delen av avtalen.

Trond Bjørndal i Åsane seier avtalen ikkje hadde gått i boks om ikkje klubben hadde vist velvilje.

– Vi ville innfri Vegard sitt ønske om å spela for Sogndal. Det blir likevel vanskeleg å erstatta han, seier Bjørndal til Åsane Tidende.