Ein filosoferande Glenn Erik Haugland på kongehaugen med Folgefonna i bakgrunnen på andre sida av fjorden (Foto: Andris Hamre)

– Må ta vare på ho

Glenn Erik Haugland får eit toårig kunstnarstipend for å arbeide med prosjekt om Folgefonna. - No skal eg prøva noko nytt, seier den aktive kunstnaren.

Av: Andris Hamre

Tysdag kom nyhenda om at Glenn Erik Haugland er tildelt Fegerstens stiftelsens 2-årige stipend for 2012. Stipendet er eit arbeidsstipend på 70.000 kroner per år.

- Det er ei ære.

- Prosjektet eg har fått støtte til er eit arbeid eg har kalla Ho - ei utstilling og serie konsertar om Folgefonna som skal visast i Kabuso i Øysteste i februar til april 2013.

- I tillegg er eg i dialog med Oseana om å gjera del to av prosjektet der i løpet av 2014, fortel Glenn Erik Haugland der han står og nyter Folgefonna frå Kongshaugen på Haugland.

- Treng vi det?

Haugland snakkar seg varm, til tross for kuldegradane og trekken på haugen.

- Du veit, folk i Øystese kallar fonna berre for ho.

- Og ho er jo akkurat som ei vakker kvinne, der den vakre breen brer seg utover.

- Samstundes som vi beundrar ho på avstand, tek vi ikkje innover oss at ho er i ferd med å smelta.

- Ein kan jo filosofera over om vi eigentleg treng ho. Akkurat som om vi treng ein ny bil, eit større hus, eller musikk og kunst for den saks skyld.

- Kva gjer det med verdiane våre om vi missar alt dette, undrar Haugland før han slår fast at vi nok treng både naturen, musikken og dei verdslege godane i større eller mindre grad.

Prøver noko nytt

Første del av prosjektet er ein installasjon på Kabuso.

- Der samarbeidar eg med Heidi Tronsmo og Carl Martin Hansen som delar av året lever på Fonnsbu for å fotografera ho.

- Ikkje berre når ho er på sitt vakraste, men like mykje når det står på som verst og ho ikkje visar fram si beste side, forklarar komponisten.

Installasjonen består av bileter, skulpturar, video og teikningar av Hansen, tekstar av Tronsmo saman med musikk komponert av Haugland.

- Dette er noko eg aldri har prøvd før.

- Det er jo difor utruleg kjekt at nokon har tru på at ein 50 år gamal mann kan læra seg noko nytt, ler Haugland som fortel at dei to kombinerar det nære gjennom Hansen sine bileter og det litt meir frå avstand gjennom hans eige bidrag frå kongehaugen på Haugland.

Inspirasjon frå kona

Glenn Erik er ikkje aleine om å bidra frå utsynet på Haugland. Også kona, Heidi Tronsmo bidreg og inspirerar:

Dronninga og småkongene
vi kan se henne fra kongehaugene
hun breier seg ut mellom de høye fjellene
en enorm dame som gjør inntrykk
vi står på historisk grunn og ser
på fortid og fremtid
hun vet
og vi vet
nå trekker hun seg tilbake
den gamle damen pudrer seg med litt nysnø og trekker seg tilbake
hun skjuler furer, sprekker og misfarging,
blender oss med sin skjønnhet, leker med lyset, bytter farge med himmelen,
hvit, blå, grå, blå, hvit,
de skarpe konturene viskes ut, gjemmer seg, blir borte …
vi ser småkongene på haugland fortsette som før,
de sjefer over hver sin haug, titter bort på Fonno
og lar seg forføre
Heidi Tronsmo

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.