Kultur | 23. feb. 2018

The Prodigy til Tysnesfest

– Å booka The Prodigy er kanskje noko av det råaste me har gjort hittil i Tysnesfest si historie, seier Øystein Vaage.

The Prodigy til Tysnesfest
The Prodigy kjem til Tysnesfest (foto: Carlos Alverez Montero)
Andris Hamrefredag 23. feb. 2018 07:25

Lista over artistar som kjem til Tysnesfest til sommaren fyllast stadig opp. Siste tilskot på lista er The Prodigy.

The Prodigy vart rekna som pionerar innan elektronisk danse music. Dei vart etablerte allereie i 1990 i Braintree, Essex, og var eit av dei store navna i ravepartytida.

Saman med The Chemical Brothers og Fatboy Slim var The Prodigy eit av dei mest trendsettande banda på 90-talet med si særeigne miks av punk og tekno.

Britanes tekstar vart mange stader sett på som støytande, og videoen til «Firestarter» ble nekta vist tidlig på kveldane. Same skjebne fekk «Smack my bitch up». Dei fleste radiostasjonane nekta å spele låten.

Nokre av deira mest kjente hits er «Firestarter», «Breathe» og «Smack my bitch up» som alle har nærare 40 millionar strøymingar på Spotify.

– Å booka The Prodigy er kanskje noko av det råaste me har gjort hittil i Tysnesfest si historie, men me er sikre på at både dagens ungdom, og kanskje ikkje minst dei som var ungdom på nittitalet vil gå mann av huse for å skaffa seg billettar, seier dagleg leiar Øystein Vaage.

– The Prodigy er absolutt noko av det feitaste ein kan oppleva, og lyd- og lysproduksjonen blir den heftigaste me har sett på Tysnesfest hittil. Fleire musikkmagasin har bandet på topplistene over band ein må få med seg live før ein døyr. Dei speler på Gjerstad Arena fredag 13. juli.

Lissie og Gunslingers

The Prodigy er ikkje dei einaste artistane Tysnesfest har slept denne veka. Lissie og Gunslingers kjem òg til Tysnes.

– Countryrock-songaren Lissie slo gjennom i Noreg allereie i 2010, med singelen «When I’m alone» frå debutalbumet «Catching a tiger». Låta er strøyma nær 15 millioner gonger på Spotfy, og er med det ein av hennar største hits, fortel Vaage.

Lissie er født i 1982 og hennar fulle navn er Elisabeth Corrin Maurus. Men det er under artistnavnet Lissie amerikaneren er kjent. 35-åringen bur på sin eigen, 40 mål store farm i Iowa. Der har ho låve med eige studio. Lissie skriv all musikken sin sjølv.

– I mange av pressemeldingane om at Lissie skal spela i Noreg står det ofte at Lissie elskar Noreg, og Noreg elskar Lissie. Eg er sikker på at etter hennar opptreden på Gjerstad Arena vil me kunna seie at Tysnesfest elskar Lissie, og Lissie elskar Tysnesfest!

–Me var ikkje i tvil etter fjorårets festkonsert i Bermudateltet: Me må ha Gunslingers tilbake i 2018.

– Difor er det ei sann glede å ynskje eit av Noregs beste countryband velkomen til Tysnesfest, og denne gong på Gjerstad arena.

– No vert det Viagra, biff og bearnessaus so det ljomar etter på hovudarenaen vår, avsluttar Vaage.

Lissie og Gunslingers speler torsdagen under Tysnesfest.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.