Førsteårsjunior Steffen Kvamsdal satte inn utligninga mot Viking (Arkivfoto: Kjetil Vasby Bruarøy)

Slo Viking i Stavanger

Juniorgutta til Os Fotball tok ein fin skalp på treningsleir i Stavanger. Slo Viking 2-1.

Av: Andris Hamre

Medan A-laget, med ein god del juniorar, vann treningskampen heime mot Bjarg 2-0 laurdag var resten av juniorane i Stavanger til treningskampar mot juniorane til Viking og Sandnes Ulf.

I laurdagens kamp slo Osgutane like greitt til med 2-1 siger over vertane Viking.

– Det er alltid greit å vinna fotballkamper, men vi skal vel vera så ærlege å seie at det var ein heldig siger. Viking var betre enn oss, fortel trenar Odd Jarle Hjelle.

Keepertabbe gav siger

Viking kom best i gang i kampen og gjekk opp i 1-0 før Steffen Kvamsdal utligna til 1-1 i starten av andre omgang.

– 2-1-målet er ei keepertabbe. Trym Hjørnevik kjem rundt og slår eit innlegg som Vikingkeeperen roter inn i eige mål. 

Har litt å gå på

Hjelle fortel at dei fekk øvd på det dei har trent på den siste tida, men at det nok må jobbast meir.

– Vi skulle trena på det etablerte spelet bakover på banen, men vi slepp dei til på for mange sjansar, så her må vi berre jobba på vidare for å få enno betre struktur på det. Offensivt så misser vi ballen for mykje når vi blir pressa, oppsummerar trenaren.

Stilte tynne tropp

Med fleire spelarar opptekne på A-laget reiste juniorane med berre 15 mann til Stavanger.

– Vi skulle vore atten. Det at vi var såpass få gjordet at det blei litt for mykje speletid på eindel av gutane. Det såg vi i søndagens kamp mot Sandnes Ulf kor vi taper 2-9. Vi blir slitne og gjer mykje av dei same feila som laurdag mot Viking, avsluttar Hjelle.

Måla til Os mot Sandnes Ulf sto Alexander Tøssebro for.

Fleire saker

bilde-midtsiden

Gang- og sykkelveg heilt i skodda

27. mars 2017

Kommunen prioriterer trygging av Hatvikvegen på topp, men slit med å få Statens vegvesen til å ta arbeidet med grunnavståing.

bilde-midtsiden

Tuva sparka seg til NM-sølv

27. mars 2017

Karate-NM i Bærum: Etter Tiril sitt gull og Carmen sin bronse laurdag, følgde Tuva, Armin og Benjamin opp med kvar sine medaljar søndag.

bilde-midtsiden

Rota vekk sigeren

27. mars 2017

Osherrane har berre seg sjølv å takke for at dei ikkje slo Sotra og tok tredjeplassen i 3. divisjon.

bilde-midtsiden

Os oldboys til nok ein finale

26. mars 2017

Her er spelande assistenttrenar Leif Erik Solbakken si fargerike skilding av Statoil Bergen Open - og av lagkameratane sine prestasjonar.

bilde-midtsiden

– Vinn som eit lag

26. mars 2017

Osdamene med fire av fire moglege poeng på austlandet etter solide 30-24 over Fram.

bilde-midtsiden

Osing vald etter kampvotering

26. mars 2017

Ketil Tømmernes frå Søfteland T&IL er vald til ny friidrettspresident etter kampvotering mot tidlegare president Tore Hordnes.