Stemningsfullt i Os kyrkje

Video: Det er søndag kveld, og ei fullsett Os kyrkje får mata inn julestemning gjennom lokkande tonar.

Av: Cathrin Valestrand

Medleyen Winterwonderland sparka det heile i gang, då Nornekoret inviterte til julekonsert søndag. Kjende og kjære julemelodiar, både norske og amerikanske trollbatt heile publikum. Også nokre nyare, som til dømes Stjernesludd, hadde funne vegen inn i repertoaret. Dirigent June Strømnen avslutta på meisterleg vis første sekvensen som solist på «Go tell it on the mountain».

Magi 

Flinke solistar og lun stemning gjorde det heile magisk. Magien vart heller ikkje svekka då blankpussa messig overtok rampelyset. Bergen Brass Band med gjestedirigent Karl Ove Midtbø starta med ein fanfare «Valenius Entrada», hovudsakleg frå galleriet før dei benka seg framme i kyrkja. Der heldt dei fram med stykker som var gælisk-inspirert, og meir tradisjonelt Joy Webb inspirert, før dei avslutta med «Shine as the light», og sende ballen attende til Nornekoret. 

Dei heldt fram som dei byrja, med go'klassikarar som «Nå tennes tusen julelys» og «Have yourself a merry little Christmas».

Samla kreftene

Mot slutten av konserten slo dei seg saman Nornekoret og Bergen Brass Band. Då vart publikum invitert med i allsong. Dei spelte også «En stjerne skinner i natt», så mektig og flott at truleg fleire publikumarar fekk frysningar nedetter ryggen. 

Som avslutningsnummer har Nornekoret fast tradisjon for å syngja «Deilig er jorden». Ein song som tydeleg rørte mange i publikum. Alle reiste seg og song med, og ståpelsen var eit faktum.

Alt i alt ein vakker og stemningsfull start på adventstida.

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.