Syngande vaktskifte hos Nornekoret

Påtroppa dirigent Laila Storvik og avtroppa June Strønen song saman i Os kykje søndag kveld.

image
image
image
image
image
image
Av: Kjetil Vasby Bruarøy

Søndag heldt Nornekoret julekonsert i Os kyrkje. Dette var Laila Storvik sin første konsert som dirigent for damekoret frå Os, og Laila song både solo og i duett med avtroppa June Strønen. June song og solo på fleire av låtane og dirigerte den eine.

Nornekoret stilte med eit fint utval kjente og kanskje mindre kjente julesongar. På fleire av låtane var det solistar, som Katrine Haugland Tvedt på «Lys til nattsvart jord», Giske Strønen på «Himmel på jord» og Mona Frøystadvåg på «Happy Christmas (War is over)».

Med seg hadde koret dessutan fleire unge gjestar:

Kamilla S. Bentzen på klarinett og Ragnhild Kristine Midtbø på kornett hjelpte til på fleire låtar, i tillegg til nokre soloparti, Josefine Lunde Bøe (gitar) og Sanne Moesgård (vokal) framførte julesong og Pink Floyd-låta Wish you were here, ei låt som òg kan passa godt i jula.

Ein oktett frå koret framførte ein Pentatonix-versjon av «Little drummer boy», ikkje heilt a cappella (som den verdskjente YouTube-kvartetten), men lett assistert av to trommer, og godt gjennomført.

I bandet spelte Simon Bjørnevik (bass), Nils Midtseter (trommer) og Åse Kristin Urdahl (piano).

Medlem av blandakoret Fonos, Hallgeir Forstrønen Bjørnevik, var pianist for Nornekoret i fleire år. Hallgeir, som i august gjekk bort, blei hylla med fine ord av Tove Tvedt Skarstein og ei nydeleg framføring av «Go, tell it on the mountain», med June Strønen som solist.

Julekonserten blei avslutta med julemedley, «Happy Christmas (War is over)» og allsong. Publikum, ei nesten fullsett kyrkje, reiste seg og blei med på Deilig er jorden.

Fleire saker

bilde-midtsiden

29 millionar til bruer

20. september 2017

Fylkesvegar • Fylkeskommunen vil setta av 29 millionar til bruer og 18 millionar til Åsen-Helleskaret.

bilde-midtsiden

Østervold matchvinnar igjen

19. september 2017

Lysekloster fekk det tøft mot Aalesund 2, før utvisinga, men nok ein gong sørgja Kristoffer Østervold for full pott.

bilde-midtsiden

Musikalsk Grytten-premiere

19. september 2017

– Det er ei gåve å ha Espen Leite på trekkspel, seier Albert og Anna-skodespelarane. I morgon har dei Noregspremiere i Os.

bilde-midtsiden

Slo Sædalen på heimebane

19. september 2017

– Vi varierer for mykje, seier Kvile, sjølv om Os 2 har tapt berre 1 av 6 kampar etter ferien.