Thomas fekk storfangst i Oselvo

Bildeserie:

1 av 2

Ei knallgod opningsnatt i Oselvo 15. juni (sjå bildeserie og video) blei følgt opp av at Monica Lund tok sin første laks då ho skulle ta eit par kast med sambuaren si stang.

Ein annan nøgd fiskar første veka i årets laksesesong er Thomas Karlsen Bergo (24).

– Eg var ein del i Oselvo då eg var yngre, og tok opp igjen fisket for fire år sidan. Det har ikkje blitt så mykje fangst, berre ein på tre kilo i 2013. Men gårsdagen er eg nøgd med, fortel han.

8,3 kilo tatt på Tøsdal

Thomas tok ein laks på 8,3 kilo.

Laksen blei tatt på sluk (møresild) tidleg på ettermiddagen torsdag, i Spongo på Tøsdal.

– Eg har fiska kvar dag sidan fisket opna. Måndag tok eg fem gjedder på same stad.

– I går hadde eg fri og det var nokre kameratar som var med meg. Men dei kom seinare, så eg måtte få laksen på land åleine.

Fangsten er, ifølgje Prohd, den største som er tatt i Oselvo til no i år.

På prohd.no, som følgjer fisket tett, kan du sjå topp 10-liste og fleire fangsrapportar.

Midtsiden samleside: Jakt og fiske