Fredrik Heggland (i Brann-drakt) helsar her på Simen Lassen før seriekampen i 2015. No kan dei igjen bli lagkameratar (foto: Wim Hetland)

Fredrik til Åsane?

Fredrik Heggland er ikkje med i dei vidare planane til Brann. No kan han bli gjenforent med Simen Lassen.

Av: Andris Hamre

I 2012 signerte dei to Os-spelarane Fredrik Heggland og Simen Helland Lassen overgangspapira som gjorde dei til Brann-spelarar.

To år seinare signerte Heggland proff-kontrakt med storklubben, ei kontrakt som gjaldt ut 2017 sesongen, samstundes fekk ikkje Lassen fornya tillit i klubben og gjekk til Åsane. No ser det ut til at dei to kan bli gjenforent på fotballbanen, nettopp i Åsane. 

Trenar med Åsane

Brann presenterte 2. januar den noverande troppen for 2017-sesongen. Ein tropp utan Fredrik Heggland, som den siste sesongen har vore på utlån til Fana, etter at han fekk ei alvorleg kneskade i seriekampen for Brann, nettopp mot Åsane juni 2015.

– Fredrik skal trene med Åsane no. Eg vil tru at vi om ikkje alt for lenge tek ein avgjersle saman med han på kva vi gjer for 2017, seier sportssjef Rune Soltvedt i Brann til Midtsiden når vi spør kva tankar klubben har om Fredrik si framtid.

Midtsiden har ikkje lukkast å nå Heggland for ein kommentar.

Lassen forlenga

Simen Lassen, som har spelt to sesongar for Åsane, forlenga i desember kontrakta med klubben for to nye år.

– Vi er veldig glad for å ha fått med oss Simen vidare, skriv Åsane på heimesida si.

Åsane har før denne sesongen bytta trenar, kor den tidlegare Brann-trenaren Mons Ivar Mjelde har kome inn.

Fleire saker

bilde-midtsiden

Ti sider om Carr sitt hus

16. januar 2017

Interiørdesigner Yolandi Carr frå Os deler ut tips og inspirasjon over ti sider i siste Bonytt.

bilde-midtsiden

Stilte med fem lag, tok 1. og 3. plass

16. januar 2017

Os stilte sterkt i Bergen Fotballfestival. I G15 blei det Os mot Os i kvartfinalen, i G16 gjekk dei heilt til topps etter straffekonk i finalen....

bilde-midtsiden

Sendte alle elevane heim grunna kald skule

16. januar 2017

370 elevar fekk fri: – Vi prøvde å køyra undervising, men det var så kaldt at elevane knapt klarte å halda i blyanten, seier rektor Kåre Lutro....

bilde-midtsiden

Tapte for Stryn

16. januar 2017

– Vi klarte oss greit med redusert mannskap, seier Husebø etter den poenglause turen til Nordfjord.

bilde-midtsiden

En 1. klasses telttur!

16. januar 2017

Magisk helg for førsteklassingene på Lysekloster skule i helgen. Teltovernatting under stjernekledd vinterhimmel.

bilde-midtsiden

Mykje bruk av brukthallen

15. januar 2017

På to og ein halv månad har over hundre personar fått med seg brukbare ting frå brukthallen til BIR i Kolskogen.