I morgon startar påmeldinga

I februar heldt Os og Fusa kulturmønstringa saman i Oseana.

Sjå bilde og video frå UKM 2012

Det var vellukka og begge kommunane er innstilte på å ha UKM i kulturhuset på Mobergsneset i 2013 også.

Les òg: Os + Fusa på ferja

I morgon blir det opna for påmelding, onsdag var det kick-off på ferja mellom Os og Fusa.

– Det var veldig stas for oss og dei unge artistane våre å få opptre i Oseana, seier Erik Vangsnes frå kulturkontoret i Fusa kommune.

Vangsnes stilte saman med kulturskulerektor Are Fløisand, ordførar Hans Vindenes og leiar for ungdomsrådet i Fusa, Lena Marie Schad.

Frå Os stilte Kjetil Osablod Grønvigh, Ellen Merete Lyssand og kultursjef Lisbeth Axelsen saman med ordførar Terje Søviknes og musikar Elias Grimstad Salbu.

Frå Grieghallen til Oseana

Grønvigh ønskte velkomen til møte midtfjords og presiserte at han både set pris på at også kultur kan binda kommunane saman, og at han håper å sjå mange kategoriar talent i Oseana i februar.

– Sidan også fylkesmønstringa skal vera i Oseana håper vi naturlegvis på ekstra god deltaking frå Os og Fusa, og vi skal sjå om ikkje vi klarer å setja ein ekstra spiss på sjølve fylkesmønstringa, sa ordførar Terje Søviknes.

Fylkesmønstringa er i april, lokalmønstringa er 2. februar 2013.

På ukm.no kan du lesa meir om ungdomens kulturmønstring og korleis du melder deg på.

VIDEO (03:06): Sjå videosnutt frå møtet midtfjords og Elias Grimstad Salbu spela låta The A Team av Ed Sheeran (her kan du sjå originalen). (Foto: Kjetil Vasby Bruarøy, midtsiden.no)