Skal Esso Os bli Deli de Luca?

Bildeserie:

1 av 2

Fleire Esso-stasjonar i Noreg har dette året blitt bygd om med fleire sitjegrupper og Deli de Luca sitt store utval av mat.

– Vi starta med seks stasjonar på Austlandet i vår, og det blei veldig godt mottatt, fortel distriktssjef Eivind Fagerhus frå Norgesgruppen.

Stasjonane held fram med sal av drivstoff, bilvask og bilutstyr, men får eit større utval innan både varm og kald mat - også sunnare alternativ.

Framtida til Esso Os er ikkje bestemt

I bergensområdet har tre Esso-stasjonar fått kiosk/butikk bygd om til Deli-konseptet.

I dag opnar Esso Voss som Deli de Luca, kva med Os?

– I første omgang har vi 65 stasjonar i Noreg på lista, og desse er vi ferdige med no før nyttår.

• Les òg: Einige om Esso-tomta

– Det er førebels ikkje bestemt noko endring for Os sin del, men vi er i ein fortløpande evalueringsprosess, så det er mogleg det blir endring også på Os med tida.

– Os er ei flott bygd og stasjonen i Os sentrum ligg veldig fint plassert, seier Fagerhus.

• Les òg: Statoil-stasjonane skiftar namn