Os Musikkforening er berre ein av dei lokale aktørane som spelar i Oseana i nær framtid (arkivfoto: Kjetil Vasby Bruarøy)

Tett i tett med lokal kultur

Heile seks lokale kulturaktørar inntek Oseana med urframføringar, plateslepp, konsertar og show i løpet av ti dagar.

Av: Andris Hamre

Det lokale kulturlivet blomstrar, noko dei ti dagane frå 25. mars til 6. april bør vera eit prov på. Då inntek nemleg heile seks ulike lokale aktørar Oseana kunst- og kultursenter med sine konsertar og show.

– Oseana skal vera både eit lokalt, regionalt og nasjonalt hus, men eg skal innrømme at eg synest det er ekstra kjekt når lokale aktørar bruker huset, seier direktør Ole Tobias Lindeberg i ei pressemelding.

Avgårde med ny musikk frå Gullkysten!

Først ut er Session Studio O på Haugland, kor komponistar gjennom vinteren har jobba fram nye verk gjennom prosjektet Glenn Erik Haugland starta for nær to år sidan

Haugland og Session Studio O sitt arbeid med nye komponistar har blitt lagt merke til nasjonalt og nyleg mottok Haugland Oddvar S. Kvam sin komponistpris for arbeidet. I tillegg fekk prosjektet tidlegare i vinter 250 000 kroner frå Sparebankstiftelsen DNB

Laurdag 25. mars vil komponistane Tonje Hernes, Jone Kuven, Maja Bugge, Amund B. Vaage, Anne Goro Tronsmo Haugland, Inga Mei M. Steinbru, Norvald Kobbeltvedt, Ragnhild Tronsmo Haugland, Aasmund Brekke og Glenn Erik Haugland få urframført verka sine.

HM Johnsen - Releasekonsert

Hans Marius Johnsen stiller med tre musikarar, tre kordamer, sju gitarar, eigen gitartekniker og lydmannen til Aurora når han seinare same kveld inviterer til plateslepp for debutalbumet «Chased». Verd å merka seg er at Jone Kuven som får urframføring på verket sitt under Session Studio O sitt arrangement, i starten var bassist for Johnsen.

Les òg: HM Johnsen sin tropp til platesleppet 

Førebur seg til NM

Tradisjonen tru inviterer også i år Os Musikkforening (som speler i 2. divisjon) til før-NM-konsert i Oseana. Med seg på konserten får dei venekorpsa Skjold Nesttun Janitsjar (1.div), Alvøens Musikkforening (1.div). I tillegg er dei strålande og dyktige ungdommane i Os skulekorps gjestar på konserten. Dei tre korpsa som skal til NM i Trondheim vil presentera stykka dei skal spele i NM for heimepublikummet tysdag 28. mars.

Barn av regnbogen

Allereie dagen etter, den 29. mars, er detomlag 200 elevar frå Hegglandsdalen, Strøno og Søre Øyane barneskuler som skal i sving i framsyninga «Barn av regnbogen». Skuleprosjektet er under leiing av Terje Neset og Anne Leni Søfteland Sæbø og handlar om mellommenneskelege forhold, venskap og leik.

Grease med Os ungdomsskule

Kven kjenner ikkje den sprudlande og fartsfylte musikalen «Grease» som fekk sitt store gjennomslag som spelefilm med John Travolta og Olvia Newton-John i hovudrollene. No er det elevane på sal- og scenegruppa ved Os ungdomsskule som torsdag 6. april, skal ikle seg rolla som Sandy, Danny og resten av gjengen på "Os skule".

I mellom dei to skuleframsyninga er det også ei tredje skule som vitjar Oseana. Elevar frå Kongshaug Musikkgymnas avsluttar nemleg vårens rekke av Jazzkafear laurdag 1. april.

Fleire saker

bilde-midtsiden

Stå saman med folket i Palestina!

26. april 2017

Lesarinnlegg, markering i Os 1. mai: I år vert det markert 50 år med okkupasjon av Palestina og 10 år med blokade av Gaza.

bilde-midtsiden

«Dobbelt» vårslepp i Os sentrum

26. april 2017

Då sentrumssjefen måtte på klinikken fekk vi styreleiar i sentrumsforeininga til å fortelja korleis laurdagens Vårslepp skal bli.

bilde-midtsiden

SjekkUT Os-fjella

26. april 2017

Os Turlag lanserer fredag, saman med DNT over heile landet, ein ny gratis app som gjer det enklare å finna turmål i Os.

bilde-midtsiden

Tre frå Os blei meister i feltskyting

25. april 2017

Sofia Dale, Sofie Evensen og Reidar Dahle vann kvar sin klasse i Hordastevnet. I tillegg plukka Os Skyttarlag med seg to sølv og ein bronse.

bilde-midtsiden

Pallplass med bismak

25. april 2017

Bilcross: Kristian B. Gjøen var i helga på pallen for første gong. Så blei han tvungen til å selja bilen som morfar har bygd til han.

bilde-midtsiden

Tommy kom til Os for å takka

25. april 2017

Den tidlegare toppskåraren på Lyn, Tommy Nilsen, kom personleg til Kuventræ for å takka Os og Jada for innsamlinga til «babyen» hans, Karanba i...

bilde-midtsiden

Fekk termokikkert i gåve

25. april 2017

Med det nye termokikkerten vil mannskap frå Røde Kors kunna sjå personar i terrenget på 1000 meters avstand, sjølv om det er bekmørkt.