– Vi har eit godt stykke igjen
Os tapte stort i treningskamp mot Fyllingsdalen laurdag.
Os spelte treningskamp på bortebane mot Fyllingsdalen i dag.
Fyllingsdalen, som tok 5 poeng meir enn Lysekloster i PostNord-serien i fjor, landa på 8. plass og rykte ned til same avdeling som Os speler i komande sesongen.
– Dei blei god læring. Det var ein tøff kamp og vi var ikkje i nærleiken av der vi skal vera før sesongstart, seier Os-trenar Hassan El Fakiri.
Os hadde Thomas Fosen gjennom, og forbi keeper, og Anders Havsgård åleine gjennom, men klarte ikkje å skåra.
– Fyllingsdalen var betre enn oss i det meste. Dei vann duellane og dei straffa oss hardt då vi prøvde å spela oss ut bakfrå. To-tre av måla kom på slurv av oss.
Fyllingsdalen - Os 5-0 (2-0)
Os: Anders Fossen Lunde - Endre Brenne, Adrian Valle, Divaldo Cardoso, Knut Spangelo Haga - Hassan El Fakiri, Torgeir Lunde, Thomas Lunde Fosen - Øystein Takle Eide, Ole Martin Kolskogen og Enrique Crespo Søvik.
Innbytarar med speletid: Glenn Krossøy, Steffen Ljosheim, Fabian Bødtker, Anders Havsgård, Fredrik Haustein og Glenn Hjelle.
Også i februar i fjor tapte Os første treningskamp mot Fyllingsdalen, då blei det 0-3. Men nokre veker seinare blei det 1-1 mellom same lag.
Os har no spelt tre treningskampar (3-4 for Brann 2, 0-2-tap for Haugesund 2).
Neste treningskamp går mot Fana i Vestlandshallen laurdag om ei veke (kl 12.15).
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.