Vil ha sonen sin drapsmann ut av fengsel

Bildeserie:

1 av 2

Fredag 18. september 1992, ein månad før han ville fylt 22 år, blei osingen Yngve Køhler Raustein drepen i Cambridge, nabobyen til Boston, i USA.

Yngve studerte romfartsteknologi ved Massachusetts Institute of Technology (MIT). Han og kameraten blei angripen av tre studentar frå ein annan skule då osingen blei stukken med kniv. Femten år gamle Shon McHugh blei dømt for drapet.

I kveld (kl 22:15) fortel TV2-programmet Vårt lille land om drapet, og om mora Inghild sin reaksjon og tankar om dei drapsdømte.

Skreiv brev til USA

Både Yngve sin bror, Dan-Jarle, og mora Inghild, seier til TV2 at dei ønskjer at den drapsdømte no skal gå fri. Dei har òg skrive brev til den amerikansk påtalemakta med ei erklæring der dei støttar prøvelauslating.

Han som sto for sjølve drapshandlinga fekk berre 10 år fengsel, då han var mindreårig. Ein 17-åring som slo Yngve ned før han blei stukken med kniv, fekk livstid.

Erklæringa frå familien vekker merksemd i USA.

Avslutta minnefond

I Os blei det oppretta eit minnefond etter Yngve Køhler Rausten.

I januar 2015 blei dette avslutta og dei siste 150.000 kronene blei delte ut.

Les òg: Fann Yngve sin stein mellom to Kennedyar