Sjakk var ei av mange populære aktivitetar på klubbkvelden i Lysefjorden. (Foto: André Marton Pedersen) 

100 ungar møtte opp på opningskvelden

Foreldregruppe vil blåsa nytt liv i ungdomshuset i Lysefjorden - på fredag var det klubbkveld. 

image
image
image
image
image
image
image
Av: Kjetil Osablod Grønvigh

– Det var om lag 100 ungar som tok turen innom på fredag - noko som var mange fleire enn forventa. Vi hadde håpa på 30–40 stykker, så det var veldig gøy med så god respons!

Dette fortel André Marton Pedersen, ein av foreldra som jobba dugnad på fredagens arrangement. 

– Ungdomslaget står bak dette, og saman har vi ei ressursgruppe på om lag 15 foreldre som vil dela på ansvaret med å arrangera desse kveldane. 

For tredje til sjuandeklassingar

Pedersen fortel at «klubben» er for ungar i aldersgruppa tredje til sjuandeklasse. 

– Vi har som mål å arrangera ein «klubbkveld» kvar siste fredag i månaden.

– Det er mykje forskjellig ungane kan gjera på, som å spela airhockey, Fifa-spel på Playstation, bordtennis, kort, sjakk, brettspel. Vi har òg sal av mat, drikke og snacks i kiosken. 

Vil blåsa nytt liv i ungdomshuset

– Vi ønskjer med dette tilbodet å blåsa nytt liv i Ungdomshuset i Lysefjorden. No har det vore nokre år kor det ikkje har skjedd så mykje, men det er jo klart at vi må ha eit levende og vitalt ungdomshus i Lysefjorden.

Hovudmålet er å skape samhald mellom ungane i Lysefjorden, seier Pedersen.

– Allereie no har vi mange nye planar. Det er snakk om å starte E-game-gruppe og arrangere ein eigen «Norges Talenter-konkurranse»,  og ikkje minst ein eigen «Ta Sjansen», som tidlegara er blitt arrangert her i Lysefjorden.

– Om nokon skulle sitja på fleire gode idear, vil vi gjerne høyra frå dei, avsluttar Pedersen. 

Fleire saker