Lokal | 07. feb. 2019
1188 mista straumen etter sprenging
Store delar av Skeie var utan straum i nesten ein time.
Kjetil Vasby Bruarøytorsdag 07. feb. 2019 12:41
Torsdag i 11.40-tida gjekk straumen på Nore Neset.
– Det skal ha vore eit uhell i samband med sprenging i Skeisbotnen, opplyser informasjonsrådgjevar Anne Mette Tuvin hos BKK Nett.
1188 abonnentar var utan straum. Straumbrotet skal òg ha ramma Nordstrøno, Ulven og Drange.
I 12.30 blei det lys og varme igjen.
– Vi har kopla om så alle har fått straumen tilbake. Feilen er ikkje retta, og eg veit førebels ikkje om skaden er på kabel i bakken eller i luft, fortel Tuvin.