14,5 tonn overlast - 87.000 kroner i gebyr

Måndag ettermiddag hadde Statens vegvesen trafikkontroll på Hjellemarka og Halhjem.

Etter tips stoppa dei ein rumensk semitrailer. Bilen hadde lasta ein tung skipsmotor i Bergen, som skulle til Tyrkia.

Transportøren hadde fått dispensasjon til last med totalvekt på 58,3 tonn, men vegvesenet sin kontroll avdekka at vekta var på heile 72,8 tonn.

• Midtsiden startar utsending av gratis nyheitsbrev på epost - meld deg på her

Det vart nedlagt bruksforbod på staden.

Med 14,5 tonn overvekt blei selskapet ilagt eit gebyr på heile 86.950 kroner.

Ny trekkbil og semitrailer må på plass for vidare transport av skipsmotoren frå Bergen, og det må søkjast om ny dispensasjon for korrekte vekter.

Gebyret må òg betalast før avreise.

Tre andre bruksforbod

Vegvesenet sine kontrollar i Hjellemarka og på Halhjem førte dessutan til desse resultata:

• Åtte skriftlege manglar, i hovudsak på lysfeil.
• Tre bruksforbod for lysfeil.
• Ein meld for køyring utan bremselys.
• Eit dekkgebyr for køyring med med mønster under minimumskravet (3mm)
• Eit bombrikkegebyr på kr 8000

– Det er ein betydeleg andel både biler og tilhengarar som har lysfeil. Dette gjeld både nærlys, baklys og bremselys. Her må folk generelt verta flinkare til å gå ein runde og kontrollera tilstanden på lysa på køyretøya sine før køyring, seier Knut Sylta frå Statens vegvesen.