15 cm nysnø på Kvamskogen
Har du fri bør du koma deg til fjells i dag.
![15 cm nysnø på Kvamskogen](https://cdn.sanity.io/images/ahcmq7tx/production/3e5417f703d4827985b55b188fe90e4dd3751e3f-1140x760.jpg?q=85&fit=max&auto=format&w=1600&width=1600)
Trass den seine påsken kan vêrgudane framleis varta opp med kuldegradar og vakker vinter.
I Os tysdag mogon viste gradestokken 0 grader. Litt høgare, på Kvamskogen, er forholda endå betre, om du vil få ein siste rest ut av skisesongen.
«15-20 CM PUDDERSNØ I DAG! Nå er det -3 grader, pent vær og svak vind», melder Eikedalen Skisenter på facebooksida si, og har også Stolheisen og Fjellheisen open i dag (til kl 16).
Furedalen Alpinsenter kjem med tilsvarande gladmelding:
«Sol, blå himmel og 15 cm puddersnø. Tirsdag kl 08.45 er det minus 2 grader,sol og svak vind på toppen. Det er kome 15 cm nysnø og er flotte forhold», skriv Furedalen som held ope med kveldskøyring til klokka 19.
Solgløtt torsdag og fredag
Tysdagen blir nok ein av dei beste dagane denne påsken. Fram til utpå ettermiddagen skal opphaldsvêret halda seg før regnet kjem tilbake (i låglandet).
Ifølgje Pent.no, som viser varselet frå både Yr og Storm, skal det regna onsdag morgon, før vi får eit nytt glimt av sol skjærtorsdag og første del av langfredag.