160 fot med luksus

Bildeserie:

1 av 3

Fredag la MY «Grace» til hamn i Os. Båten seglar under nederlansk flagg med byen Rotterdam på hekken.

Ifølgje Marinetraffic.com er båten 49 meter lang og 8 meter brei.

Midtsiden har ikkje observert folk om bord i dag.

Hamnesjef Gitle Smaadal vil ikkje seia noko om kven som eig båten eller kor lenge den blir liggande i Os, men stadfestar at det på førehand er bestilt plass til skuta.

Godt kjent på norskekysten

Ifølgje avisa Nordlys er det den nederlandske millionæren Henk Koster som eig båten. I alle fall var det han som eigde båten då avisa skreiv om Grace i 2012.

I 2005 fortalte BT.no, som også har bilde av interiøret, at bergenske investorar var i ferd med å bli medeigar i båten, som skulle gå som luksuscharter på norskekysten.

Koster skal ha fått bygd båten for 150 millionar kroner. Den er designa som ein yacht frå 1920-talet, men var ny i 2003.