Gratulerer med dagen!

Kjære sambygdingar, gratulerer med dagen!

For fleire av dykk er festen allereie i gang, frukost har blitt det store, ikkje minst for dei yngre vaksne.

Klokka 08 i dag bles Os musikkforening i gang i Finnebrekka, for så å marsjera til Solstrand.

Sånn såg det ut i fjor:

Les ògMorgonkonsert og marsj til Solstrand

I mellomtida er det siste finpuss fleire stadar, blant anna i Os sentrum.

– No stenger vi av sentrum og nokre av parkeringsplassane, og så ventar vi spent på å sjå korleis årets seremoni og tog blir, seier komitémedlem Tore Kleppe.

– Eg trur det blir flott når flaggborg og korps blir ståande framfor Fana Sparebank mens toget kjem inn til avslutting, seier komitékollega Anders Hjelle.

Samtidig plukkar varaordførar og komitémedlem Harald Lekven opp dei siste benkane frå hengar.

Vêret er også framleis spennande. I førre veke sa langtidsvarselet 17 gradar og sol, men det blei seinare redusert til 7 gradar og delvis skya.

I dag melder Yr lettskyra og 10 gradar, Storm melder overskya og 7 gradar.

Bildeserie:

1 av 5

I hamna ligg det likevel fleire båtar, og bubilparkeringa er full. Det er også venta eit folkeliv på Osøyro under toget - og etterpå - på restaurantar, rundt salsbodar og på jazzkonsert på Oseana.

PROGRAMMET

08.00 Os musikkforening speler i Finnebrekka
10.00 Gudsteneste i Os kyrkje

10.50 Festprogram i Minneparken

• Song ved Os Mannskor
• Helsing frå ordførar
• Tale ved russepresidentane
• Song og talar frå Kuventræ barneskule
• Os Musikkforening speler til allsong

11.30 Oppstilling til hovudprosesjon frå Giskavollen
12.00 Avgang 17. maitog

Les ògLa fram ruta til årets 17. maitog

13.00 Avslutting av fellesfeiring på Torget

17.00 Konsert på Oseana med Osøren Jazzensemble og Marita Moe Sandven