1855 har ikkje sjekka

12 215 osingar er e-brukarar av skatteetaten sine sider. No, to dagar før fristen har 10 360 vore inne og sjekka kor mykje dei får att eller må betala på skatten og lever sjølvmeldinga si. Dette gjev ein prosent på 85,9, nest høgast i Hordaland.

Berre Askøy, med 85,9 % ligg foran Os og Fjell som er likt på andre plass.

– Vi oppfordrar alle å bruke tid på å lese og sjekke sjølvmelding si slik at ein ikkje betalar for mykje skatt eller går glipp av frådrag, seier Trude Husevåg, avdelingsdirektør i Skatteetaten.

Nytt i år er at dei fleste lønnstakarar og pensjonistar berre har fått sjølvmeldinga si elektronisk. Skatteetaten har førehandsutfylt sjølvmeldinga for deg med dei opplysningane det offentlege har om økonomien din, men det er framleis like viktig som tidlegare å sjekke at opplysningane er korrekte og fullstendige.

Mange les ikkje

Med nær 2000 i Os og vel 56 000 i Hordaland som ikkje har sjekka sjølvmeldinga to dagar før fristen har avdelingsdirektøren ei klar oppmoding.

– Det blir enklare å levere sjølvmeldinga for kvart år, men det er uansett viktig å sjekke at dei førehandsutfylte opplysningane i sjølvmeldinga stemmer og er fullstendige.

Tilsvarande tal frå dei omkringliggande kommunane til Os er; Samnanger 83,6 %, Tysnes 80,4 %, Fusa 80,3 %.