19 nye smittetilfelle i går

Bjørnafjorden kommune fortalte i går om 14 smitta elevar, i tillegg til eleven og læraren på Os ungdomsskule som fekk påvist covid-19 torsdag.

No er fredagen oppsummert.

– Totalt fekk 19 personar i Bjørnafjorden kommune påvist covid-19 i går, fredag, opplyser kommunen.

14 av dei er elevar på 8. trinn ved Os ungdomsskule, som no er oppe i 15 smitta elevar.

I tillegg er ein av foreldra til ein av elevane smitta. Vedkomande er i 40-åra.

Dei andre smittetilfella:

• Kvinne i slutten av tenåra. Kjend smitteveg, nærkontaktar er varsla.
• Kvinne i 20-åra. Kjend smitteveg, nærkontaktar varsla.
• Mann i 20-åra. Kjend smitteveg, smittesporing pågår.
• Kvinne i 40-åra. Kjend smitteveg, nærkontaktar varsla.

Det har aldri vore fleire smitta på éin dag i Bjørnafjorden kommune.

Førre rekord var 8 smitta 4. januar.