21 elevar og 5 tilsette i Øyane må i karantene

Ein elev på 6. trinn ved Søre Øyane barneskule har fått påvist covid-19.

Det er 21 elevar på trinnet. Alle desse er å rekna som nærkontaktar og må saman med 5 tilsette i karantene.

Husstandmedlemmar av desse elevane og tilsette må i ventekarantene til elevane har testa negativt på første test.

Helsepersonell frå kommunen vil ta kontakt i løpet av dagen for meir informasjon og rettleiing.

– Det er ikkje mistanke om spreiing til andre klassetrinn, så dei andre elevane møter som normalt på skulen måndag, opplyser kommunen.