Eit tak på Hatvik og ei leikehytte på Søfteland er blant det som blei skadd i Os i stormen. (Lesarbilde, tips@midtsiden.no)

25 skadar i nyttårsstormen

– Vi trur mengda innrapporterte skadar vil auka i dagane som kjem, seier Arne Voll hos Gjensidige.

Av: Kjetil Vasby Bruarøy

Gjensidige hadde klokka 13 onsdag mottatt nærmare 100 skadar etter stormen som herja på Vestlandet nyttårsaftan og første nyttårsdag.

Av desse er 25 i Hordaland, 15 i Møre og Romsdal og 15 i Rogaland.

– Vi trur talet på skadar vil auka noko i dagane som kjem, seier kommunikasjonssjef Arne Voll i Gjensidige.

Midtsiden har ikkje lykkast i å få lokale tal for Os, men kjenner til skade på takstein både i Varåsen og på Hatvik. På Søfteland fekk ei leikehytte gjennomgå.

I tillegg var det fleire store straumbrot i Os, og skadar på ein ballbinge i Halhjemsmarka.

– Mesteparten av stormskadene er på hus og heim, garasje og driftbygningar.

Har du sjekka hus, hytte og båt? 

I snitt ligg vindskadeerstatning på rundt 70.000 kroner.

– Så langt er erstatningsutbetalinga beskjeden, og ligg an til å bli i underkant av 10 millionar kroner totalt, seier Voll.

Tala inkluderer skadar på 10 bilar som er råka av lause gjenstandar.

Gjensidige oppfordrar alle som har vore utsett for stormen om å sjekka hus, hytte og båt for skade.

Fleire saker