3. divisjon 2019

Det er cupfinalehelg med seks NM-finalar, blant anna kvinnefinale mellom LSK og Sandviken i dag og herrefinale mellom Rosenborg og Strømsgodset søndag.

Festhelga inneheld òg ei rekkje seminar på Ullevål, og offentleggjering av avdelingsoppsett for 2019.

Avdelingsoppsettet i PostNord-ligaen og Norsk Tipping-ligaen blei presentert på Divisjonsforeningen sitt medlemsmøte i dag kl 12.30.

Møter kvarandre - og tre lag frå Austlandet

6 av 14 lag frå avdeling 4 gjennom 2018-sesongen er med vidare, 8 er nye.

Os har kome inn i same pulje som Lysekloster - noko som betyr ein ny sesong med prestisjetunge derby og tett med publikum på Kuventræ og i Lysekloster Framo Idrettspark.

Dei møter òg Fana, som neste år blir leia av osingen Ørjan Håland, og motstandarar frå blant anna Buskerud og Indre Østland.

Her er 2019-avdelinga:
Fyllingsdalen
Lysekloster
Brann 2
Fana
Os (opp frå 4. div)
Bergen Nord (opp frå 4. div)
Stord
Djerv 1919 (opp frå 4. div, Rogaland)
Vard Haugesund (ned frå 2. div, Rogaland)
Sogndal 2 (Sogn og Fjordane)
Fjøra (opp frå 4. div, Sogn og Fjordane)
Strømsgodset 2 (Buskerud)
Vestfossen (Buskerud)
Valdres (Indre Østland)

Statistikk: Os vs Lysekloster

Os og Lysekloster har hatt 8 derby på 4 år. Os har vunne 3, Lysekloster 2 mens 3 av kampane har enda uavgjort.

Sist dei møttest var hausten 2017, direktesendt på Eurosport. Os vann 4-3 etter fire mål av Christoffer Hafsås.

Her er alle resultata:
2013: Os - Lysekloster 3-0 (2-0).
2013: Lysekloster - Os 2-2 (0-1)
2014 (NM-kvalik): Os - Lysekloster 3-1 (1-0)
2014: Os - Lysekloster 3-3 (2-1)
2014: Lysekloster - Os 2-2 (2-1)
2016 (NM): Os - Lysekloster 2-4 (eeo)
2017: Lysekloster - Os 2-0 (1-0)
2017: Os - Lysekloster 4-3 (2-1)

Tilbake i toppfotballen

Os har i år for første gong spelt på nivå fem, men nedrykket i fjor tilsvarar nedturen frå 2. til 3. divisjon i 1996, då Os etter 48 år på tre øvste nivå rykte ned til nivå fire.

Les òg: Historisk nedtur

Mengda lag på tre øvste nivå var 144 i 2016, i år er det 60. Tar vi med nivå fire, altså 3. divisjon/Norsk Tipping-ligaen, landar vi på 144.

No er Os tilbake i norsk toppfotball, i ei avdeling Lysekloster kjempa i toppen av både i fjor og i år.

Nivåforskjellen frå 4. divisjon er stor, og begge lag går ein viktig vinter i vente.