3000 på gratiskonsert med Eirik

Bildeserie:

1 av 12

Os har hatt konsertar med 1000 til 1500 publikummarar før. Søfteland har hatt rundt 1000 på familiefest tidlegare år.

Men gårsdagens konsert på dagtid, midt i Søfteland Rock N LOL, samla rundt 3000 små og store til konsert med Real Ones og bygdas store son, Eirik Strønen Søfteland.

Søfteland hadde med seg slekt og venar på scenen, pappa Tord Søfteland (gitar og fiolin), fetteren hans Jon Søfteland Sæbø (tangentar), Olav Skorpen (bass), Jens Erik Aasmundseth (trommer) og Steinar Lyssand (gitar).

Les òg: Kven skal spela med Eirik

Eirik med band framførte fire låtar frå Idol, Don't let the sun go down on me, Desire, Månemannen (med Eirik på trommer) og Gonna go my way.

Eirik skulle eigentleg sist ut, men grunna nytt oppdrag i Nesbyen med Astrid og Siri frå Idol måtte han starta showet og vera først ute klokka 12, for så å fly av garde med helikopter.

Helikopteret kom i retur i 21.30-tida med kvelden og Eirik med band gjekk, som ein bonus i forhold til programmet, på scenen etter Lars Vaular og kjørte tre låtar i 22.30-tida.

Midtsiden kjem tilbake med meir om laurdagskvelden - som var ei strålande og svært folksam avslutting på Rock N LOL.

I tilllegg kjem vi med video frå heile festivalhelga.

Midtsiden samleside: Søfteland Rock N LOL