midtsiden

6 EM-medaljar til Os

Fire utøvarar frå Os tok til saman seks medaljar i Wado-EM. Åsmund Slettevold gjekk heilt til topps.

Av: Kjetil Vasby Bruarøy

I helga har fire utøvarar frå Os Karateklubb deltatt i EM for stilarten Wado på Kypros. Dei fire utøvarane frå Os, Åsmund Slettevold, Bjarte Storum, Henrik Reed Larsen og Tonje Skeie Hjelle, tok til saman seks medaljar.

Åsmund Slettevold gjorde som broren Erlend i 2007, tok gull! Erlend fekk gull i kamp i 2007, Åsmund fekk gull i kata i årets EM.

I tillegg til gull i kata fekk Åsmund bronse i kumite lagkamp. Med på laget i kamp var Henrik Reed Larsen. Henrik fekk i tillegg indivuell bronse i kamp.

Tonje Skeie Hjelle fekk bronse i kumite. I kata blei det også medalje til Bjarte Storum. Bjarte fekk bronse i sin klasse.

WIKF Norge tok til saman 1 gull og 7 bronsemedaljar i årets EM, melder Os Karateklubb.

Fleire saker