Sport | 20. mai 2012

6 osingar tatt ut til VM

Dei 7 brytarane frå Os måtte nøya seg med 4 bronse i EM. 6 av dei er blant dei 10 norske som er tatt ut til VM i Rio de Janeiro i september.

6 osingar tatt ut til VM
F.v.: Arne Thuen, Øyvind Birkeland og Frode Veim Haugland med EM-medaljane. (Privat foto)
Kjetil Vasby Bruarøy
Kjetil Vasby Bruarøysøndag 20. mai 2012 20:54

Det blei ingen medalje med høgre arm på Frode Veim Haugland eller dei andre brytarane frå Os som var i sving laurdag.

– Eg brukte opp mykje krefter i ein hard kamp eg til slutt vann. Så møtte eg ein tidlegare verdsmeister, som eg klarte å stoppa i starten, noko som ofte resulterer i siger til meg, men så gjorde eg to feil og blei diska, fortel Frode.

Han kom seg vidare, men ikkje lengre enn at han hamna på 6. plass blant dei 26 deltakarane i klassen.

Dette blei beste resultat av Os laurdag.

Os Håndbakklubb reiste likevel ikkje heim utan metall i bagasjen, det blei fire bronsar i EM i år.

Arne Thuen fekk 3. plass i grand master (+50 år), Frode Vein Haugland fekk 3. plass med venstre arm (hans første EM-medalje) og Øyvind Birkeland fekk 3. plass med begge nevane i master (+40 år)

I EM gjorde landslagsleiinga uttak til VM i handbak, som går i Brasil i september.

7 av dei 17 norske i EM var frå Os, no får klubben i Os 6 av 10 billettar til VM:

Asle Kvamsdal, Are Strønen, Øyvind Birkeland, Arne Thuen, Frode Veim Haugland og Tore Matre skal alle til Rio for å prøva å bli verdsmeister.

Ronny Bruarøy Risøen var med til EM, men er ikkje tatt ut til VM. Han får likevel noko å bryna seg på om ikkje så lenge, om to veker skal han og Frode til London for å delta i ny runde i Arm Wars.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.