700 på stasjonen

Bildeserie:

1 av 6

- Det er veldig kjekt at så mange kjem innom, eg trur dette er eit veldig godt førebyggande tiltak, seier brannsjef Stein Gjøsund.

Os brannstasjon var som rundt 300 andre stasjonar i Noreg laurdag open for publikum mellom klokka 10 og 14.

- Klokka 13 var vi tom for caps. Vi hadde 500, så reknar vi med foreldre og dei som kom siste timen har det nok vore mellom 700 og 800 innom her i dag, seier Bjarte Rotnes.

Dette er rundt dobbelt så mange som vanleg, sjølv om dagen for open brannstasjon var same dato som ein av Nore Neset Dagane - som også lokkar mange osingar ut av stova.

Ungane fekk både spyla med brannslange og kjøra brannbil. I den eine garasjen var det rigga opp kino med lærerik film på programmet. I den andre garasjen fekk gjestane sjå på redningsdykkarane sitt utstyr, og testa kunnskapen i eit spørreskjema.

- Den nye brannstasjonen vi skal bygga på Moberg blir endå betre eigna til å ta imot gjestar, den skal byggast med tanke på funksjon som eit opplevelsessenter i tillegg til den operative delen, seier Gjøsund.