Nattope i Osbadet 2016

Action og kos med nattbading for ungdom

Nattope i Osbadet blei ein suksess. Sjå video og bildeserie!

image
image
image
image
image
image
image
Av: Kjetil Vasby Bruarøy

Det var ikkje første gong, og blir neppe siste kveld med nattope for ungdom, men det er ei stund sidan sist.

– Vi ønskjer å gjera dette med fast frekvens, kanskje éin gong i månaden er passeleg, seier prosjektleiar Jon Sivert Rykkel i Osbadet KF.

Han er svært nøgd med oppmøtet i går, frå klokka 20 til 22 var det 80-90 ungar og ungdomar i bassenget.

Dei fleste frå 10 år til midten av ungdomsskulealder, men òg nokre få yngre saman med foreldre, koste seg med ekstra mange leikar i bassenget fredag kveld.

– Det har vore godt oppmøte før òg, men vi skal ikkje gjera dette for ofte, då dabbar nok interessa av. Klarer vi å ha 40-50 eller fleire så er det bra, synest Rykkel.

• Sett denne? Galskap i Osbadet! (VM-kvalik i dødsing)

Ungdomane Midtsiden snakka med var svært nøgde, og sa at dei kjenner fleire som ikkje kunne koma, men som sikkert kjem neste gong.

Ny dato er ikkje sett.

Osbadet har òg tankar om å byrja med kveldsbadeing for vaksne, kanskje òg i kombinasjon med levande musikk og noko servering.

• Les òg: Opnar for kveldsbading for ungdom og vaksne

Fleire saker