Aina Tjosås har sagt seg opp

Aina Tjosås har i dag sagt opp si stilling som kommunalsjef i Os kommune/Bjørnafjorden kommune.

– Eg beklager at Aina har levert oppseiinga. Ho har vore ein sentral bidragsyter i den kommunale leiinga, seier rådmann Christian F. Fotland i ei pressemelding i dag.

Aina Tjosås starta i Os kommune som plan- og utviklingssjef i 2013.

• Les òg: Fekk pris for effektuv reguleringsplanlegging

Ho blei seinare kommunalsjef for samfunnsutvikling.

• Les òg: Den komande toppleiinga i Bjørnafjorden kommune

– Det har vore ei spanande tid i Os kommune der vi gjennom tverrfagleg arbeid og på tvers av sektorar har jobba hardt for å legge til rette for gode kvardagsliv for osingane.

– Samstundes har det vore krevjande å stå i spennet mellom lokalpolitiske forventingar, statlege føringar og fagleg integritet. For min del er det difor tid for å gå vidare, men kor vegen går er framleis uvisst, seier Tjosås.

– Eg ønskjer Aina lykke til vidare, avsluttar Fotland.