Måndag gjekk alarmen i Handlegården i Brugata.
Både privatpersonar med bustad i bygget, næringsdrivande og mosjonistar måtte evakuerast.
– Det var ingen brann. Detektoren som var utløyst er på eit næringsareal, årsak er uviss, fortel utrykkingsleiar Kristoffer Hauge.
![Kristoffer Hauge u aksjon under dagens utrykking. (Foto: Kjetil Vasby Bruarøy)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F52084a2a223c77746e1c576593c79ddce23e8cef-1800x1200.jpg%3Frect%3D0%2C60%2C1800%2C1080%26w%3D752%26h%3D451%26q%3D100%26dpr%3D2&w=3840&q=75)
Det er ikkje første gong det går automatisk brannalarm (ABA) i det store sentrumsbygget. Det er heller ikkje lenge sidan førre gong.
Men når det kjem til brannvesenet kan du ropa ulv så mange gongar du vil utan å risikera å stå utan hjelp den dagen det brenn.
– Vi rykker ut som om det er full fyr, sjølv om det ofte er annan årsak når det kjem til desse ABA-utrykkingane, seier Hauge.
– Bygget i Brugata er stort, med mange ulike bedrifter og bebuarar, så det krev av og til litt tid å finna rett detektor. Når den er funne, og vi kan konstatera at det ikkje brenn nær denne, kan vi avslutta.