Sport | 26. feb. 2012

– Alltid gøy å vinna

... jamne kampar, seier trenaren etter to eittmålssigrar i den nasjonale J16-serien.

– Alltid gøy å vinna
Vilde Fyllingen (toppskårar med 9 mål mot Runar), Anna Bjørke Kallestad (toppskårar med 8 mål mot Melhus), Vilde Brattabø (toppskårar med 7 mål mot HK Rygge) (Fotos: Andris Hamre)
Andris Hamresundag 26. feb. 2012 16:47

Os jentene spelte i helga 4. runde i den nasjonale Bringserien kor dei beste laga i Noreg møtest. Turen gjekk til Moss kor Meldal, Runar og vertene HK Rygge venta.

Første kamp laurdag mot Meldal var lenge ein jamn kamp med Os to mål bak til pause (15-17).

- Dei hadde ein fantastisk god spelar som skåra 15 av måla, pluss at ho sto bak dei fleste andre.

- Diverre klarte vi ikkje å stoppe ho, fortel trenar Frode Fyllingen.

Kampen enda tilslutt med tap 25-31.

- Vi slepp inn 31 mål. Det vitnar ganske riktig om at vi ikkje var gode nok bakover.

- Eg føler at vi gir 100% heile vegen, men vi lykkest ikkje i forsvarskampen, oppsummerer Fyllingen som er godt nøgd med spelet framover på banen.

Thriller nr. 1

Laurdagens andre kamp gjekk mot Runar, som før runda var storfavoritt og som kom frå ein 30-23 siger over HK Rygge.

- I denne kampen er forsvaret på plass og jentene gjer ein kjempejobb bakover på bana.

- Når det i tillegg fungerar framover på banen vinn vi tilslutt fortjent 23-22, smilar Fyllingen før han legg til at det sjølvsagt er sett med subjektive Osauge.

Thriller nr. 2

Også søndagens kamp skulle bli ein thriller av dei helt store til publikum sin glede og nerver.

- Kampen mot HK Rygge blei mykje lik Runar-kampen, men vi har lenge ei solid leiing.

- Utover i 2. omgangen blir det mykje Hawaii kor eindel av jentene blir litt overivrige og dermed inviterar Rygge inn att i kampen.

- Difor var det ekstra gøy at vi igjen klarte å dra i land ein 23-22 siger.

Jamnheit nøkkelen

Fyllingen er optimistisk for framtida til Oshandballen.

- Helgas kampar og to sigrar tek eg som ei stadfesting på at det jobbast godt i ungdomsavdelinga til Os Turn.

- Den store styrka til dette laget er jamnheiten. Der andre lag har ein, to eller tre nøkkelspelarar kan vi mønstre heile lag og gjere bytter utan at det påverkar prestasjonane nevneverdig, analyserar trenaren.

Han ser ei spennande framtid for jentene og håper dei kan helde fram å utvikle seg i klubben.

- Med det spelermaterialet klubben har no er det ingen grunn til ikkje å ta stega vidare om spelerane blir.

Går for 6 poeng

Os ligg etter den 4. runda på 8. plass med 14 poeng.

- I neste runde i mars på Oppsal går vi for 6 poeng.

- Klarar vi det ender vi på 20 poeng og truleg blant dei 5-6 beste i gruppa. Det kan vi vera godt nøgde med, seier Fyllingen som legg til at med maks uttelling kan framleis ein sluttspelplass vera inna rekkevidde (Dei fire beste i pulja går til sluttspelet).

SJÅ TABELLEN

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.