Næringsliv | 02. mai 2014

Alutec eineforhandlar av Böcker

Tilhengarmonterte kranar og høge heisar – Alutec AS utvidar portefølgja som eineforhandlar for den tyske produsenten av løfteutstyr.

Alutec eineforhandlar av Böcker
Administrerande direktør i Haki AS, Espen Marthinsen (t.v.) avsluttar som Böcker-forhandlar. Alutec AS, her ved dagleg leiar Knut-Jarle Aspenes, overtar. (Pressefoto)
Kjetil Vasby Bruarøy
Kjetil Vasby Bruarøyfredag 02. mai 2014 11:50

Norske Haki har avslutta forhandlaravtalen med Böcker og no er det klart at Alutec AS i Os overtar og blir eineforhandlar.

– Vi «overtar» også Lars Bukkøy, som er ein av bransjens mest erfarne og kompetente i denne varegruppa. Han har selt Böcker og andre relaterte produkter i 30 år, seier Knut-Jarle Apenes, dagleg leiar i Alutec AS.

Böcker har dei siste 50 åra vore leiande i sin kategori av kraner og løfteutstyr og eksporterer til 30 land. Dei har blant anna levert Europas høgaste utvendige heis, ein heis på 200 meter til toppen av bruskaftet på Hardangerbrua.

Reknar med å selja for 15 millionar

– Böcker leverer tilhengarmonterte kranar, byggeheisar, klatrestillas og møbeheisar. Vi har fleire av varene på plass på lager og kjem til å marknadsføra desse som JAMAX® Böcker, løft og tilkomst.

– Vi rettar oss mot alt frå skipsindustri og store entreprenørar til selskap som vil kjøpa utstyr for utleige. Vi reknar også med ein viss synergieffekt på våre eigne produkt som del av denne nye avtalen, seier Aspenes.

Alutec hadde eit overskot på 43 millionar kroner i 2012.

Les òg: Ekstrem lønsam

Dei reknar med ein årleg omsetnad på rundt 15 millionar på Böcker-varene.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.