Amalie Evensen, er berre ein av skyttarane frå Os som har kvalifisert seg til finale både på bane- og feltskytinga (foto: Andris Hamre)

Amalie til ny finale

Torsdag braker det laus med finaleskyting på Landsskytterstemnet. Heile 17 osingar skal i sving på bane og felt.

Av: Andris Hamre

Onsdag avslutta den innleiande skytinga på landsskytterstemnet i Førde. Amalie Evensen skaut seg til si andre finale på stemnet då ho skaut 247 på baneskytinga i juniorklassa. Ho blei tidlegare i veke klar for feltfinalen med 30 treff og 23 sentrumsblinkar.

– Det blei finalar i alle øvelsane for ungdommen, men opp i alt var det skikkeleg surt med tre 9,9 på Amalie i dag. Uansett ein kjempeprestasjon av Amalie og vi må berre glede oss til i morgon og spesielt fredagen då vi har gode sjanser for topplasseringer, kommentert Anstein Eidsvik torsdag kveld.

Skilnaden på 9,9 og 10,0 på baneskytinga er så lite som mellom ein og tre millimeter.

Desse skyt finaler

Banefinalane går torsdag ettermiddag. Heile fem rekruttar, ein junior og ein veteran skal i sving frå Os skyttarlag.

Rekrutt 100 meter bane
Maren Evensen
Sofia Dale
Adelheid Røttingen Møller
Daniel Myklebust Fjellstad
Celine Daviknes Hårvik

Junior 100 meter bane
Amalie Evensen

Veteran 55 200 meter
Arvid Austfjord

Feltfinalane blir skote fredag. Der har Os skyttarlag tre rekruttar, to eldre rekruttar og ein junior med. I tillegg ein i V55 og to i klasse 3-5.

Finfelt rekrutt
Maren Evensen
Daniel Myklebust Fjellstad
Adelheid Røttingen Møller

Finfelt eldre rekrutt
Kyrre Haugland
Sofie Evensen

Finfelt junior
Amalie Evensen

Finfelt V73
Reidar Dahle

Grovfelt V55
Arvid Austefjord

Grovfelt klasse 3-5
Ragnhild Eide Ure
Anstein Eidsvik

To har allereie skote sine finaler på baneskytinga. Reidar Dahle (V73) tok 23. plass med 348 og Sofie Evensen ein sterk 12. plass med 350 poeng av 350 moglege. Berre sentrumsblinkane skilte. Dei hadde Sofie seks av.

Midtsiden si samleside: Alt om skyting

Fleire saker