Politi | 16. nov. 2023

Arbeidsgivar har meldt mann sakna

– Sist vi høyrde frå han var tysdag morgon, fortel Thomas Lyssand.

Arbeidsgivar har meldt mann sakna
Mannen jobba for Lyssand sitt selskap, Kronheim Grønt, som dyrkar salat på Skeie. (Foto: Kjetil Vasby Bruarøy)
Susann Haukeland Børnes
Susann Haukeland Børnestorsdag 16. nov. 2023 10:46

Ein 27 år gamal ukrainsk mann blei torsdag morgon meldt sakna via Facebook-sida «Oppslagstavlo i Os».

Det var ein kollega av mannen, Olga Mlynarczyk som delte innlegget.

– Vi blei bekymra då han ikkje kom på jobb, og då han heller ikkje var heime seinare same ettermiddag, fortel Olga til Midtsiden.

Sakna er opprinneleg frå Ukraina og jobbar i Os.

Denne mannen blei onsdag meldt sakna. I dag ligg det etterlysing på Facebook. (Foto: privat/Olga Mlynarczyk)
Denne mannen blei onsdag meldt sakna. I dag ligg det etterlysing på Facebook. (Foto: privat/Olga Mlynarczyk)

Vi har foreløpig ikkje fått tak i politiet for kommentar, men arbeidsgjevar, Thomas Lyssand, fortel at han meldte mannen sakna onsdag.

– Sakna sendte melding til ein kollega tysdag morgon og sa han ikkje følte seg bra, og at han derfor ikkje kom på jobb, fortel Lyssand.

Den sakna mannen jobbar i Kronheim Grønt, eit søsterfirma av Lyssand Gartneri.

Han bur med ein kollega på Sælehaugen på Søfteland.

– Då kollegaen kom heim, var han ikkje der. Han kom heller ikkje heim om natta eller neste dag.

Onsdag i 19-tida kontakta Lyssand politiet for å melda mannen sakna.

– Ingen har fått tak i han på telefon heller. Eg kjenner han som ein pliktoppfyllande og munter mann, dette er unormalt og det bekymrar naturlegvis både meg og resten av kollegaene hans.

– Har han familie i Norge?

– Ein av kollegaene er fetteren hans. Ingen av oss har sett eller høyrd frå han sidan tysdag morgon.

Vi kjem med meir informasjon når vi har fått kontakt med politiet.

OPPDATERT kl 13.36:

Les ògPolitiet ber om tips etter at mann blei meldt sakna

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen

For å få tilgang til alle sakene i appen må du vera abonnent.