Årets bål står klart

I fjor var det rundt 1000 osingar, nokre med gjestar frå utlandet, som trassa regnet og skapte sommarstemning i Mobergsvikjo.

Sjå den fine bildeserien fotografen vår Ørjan Håland tok av feiringa i 2018

I år er det meldt 15 gradar og sol sankthansaftan i Os.
Sjå Pent.no for oppdatert og detaljert melding for Osøyro

– I fjor fekk vi tilbakemelding om at bålet var fint, men kanskje litt høgt. Det er like høgt i år, men med litt lågare tyngdepunkt, seier Tor Arne Hitland frå Vartun.

I år som i fjor bygde han bålet med eit arbeidslag frå friskusprosjektet «Livskvalitet».
– Vi var tre personar og bygde bålet ferdig torsdag ettermiddag.

Arrangementet, som har blitt ein tradisjon, blir gjennomført av Oseana.

Arrangementssjef ved Oseana, Berit Steen fortel at det er god plass og naturlegvis fri entré. Vi på Oseana må sjølvsagt få takka Vartun for bålbygginga og Montér for materiala til bålet.

Det er store grillar disponible for alle, varme frå klokka 17, og stylter, ringspel og andre leikar.

Spelemannslaget og Dursamskipnaden står for den musikalske delen av stemninga. Bålet blir tent klokka 18.