Fotball | 17. jan. 2025

Årets fotball-NM: Desse skal kjempa om å møta Os eller Lysekloster

8 lag frå Hordaland er direktekvalifiserte, 18 andre skal kjempa om plass i cupen.

Årets fotball-NM: Desse skal kjempa om å møta Os eller Lysekloster
Lysekloster var nær på å slå KFUM i fjerde runde. KFUM tapte seinare for Fredrikstad på straffekonk i semifinale. Foto: Kjetil Vasby Bruarøy / Midtsiden
Kjetil Vasby Bruarøy
Kjetil Vasby Bruarøyfredag 17. jan. 2025 09:51

128 lag skal spela NM i fotball.

84 av desse er direkte kvalifiserte, 176 andre skal kjempa mot kvarandre i første av to kvalifiseringsrundar (88 skal spela andre kvalifiseringsrunde).

I Hordaland er dei 8 beste i 2024 førehandskvalifiserte:
Brann
Åsane
Lysekloster
Sotra
Sandviken
Bjarg
Os
Askøy

18 andre lag i Hordaland skal spela kvalik, no er det sett opp kven som møter kven:

Bremnes – Fana
Djerv – Loddefjord
Austevoll – Stord
Varegg – Frøya
Nest Sotra – Fyllingsdalen
Bergensdalen – Gneist
Flaktveit – Lyngbø
Osterøy – Arna-Bjørnar
Nymark - NHHI

Kjelde: NFF

Kampane i første kvalifiseringsrunde må spelast innan 16. mars.

Lysekloster kom historisk langt

NM 2024 blei skuffande for Os, som i 2022 slo Åsane og fekk Brann (tapte 1-6) i andre runde.

I fjor tapte Os, også då som direkte kvalifisert, 0-2 for Frøya på heimebane i første runde.

Lysekloster tok seg heilt til 4. runde. Det er historisk.

Sist Os kom like langt, så vidt vi veit, var i 1974, same år som dei rykte opp til øvste nivå. Den gong tapte Os 0-3 for Brann framfor 9000 (!) på og rundt nybygd tribune på Kuventræ.

Lysekloster hamna i fjor under for KFUM, men skåra to på tampen og leia frå 86. til 93. minutt. Så fann KFUM nettmaskene igjen, kampen gjekk til ekstraomgang og Lysekloster tapte 2-3.

Seinare viste det seg at KFUM hadde brukt ein spelar utan spelerett i 3. runde mot Sogndal. Lysekloster klaga saka inn, men KFUM slapp unna med bot.

KFUM vann kvartfinalen 3-2 borte over Stabæk og tapte semifinalen for Fredrikstad på straffekonk. Fredrikstad blei som kjent norgesmester i 2024 etter finalesiger over Molde.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.