11 russebilar møtte til kåring på Kuventræ onsdag 15. mai. (Foto: Kjetil Vasby Bruarøy)

Årets russebil i Os 2019

Tre russebilar fekk premie i Midtsiden si årlege kåring.

image
image
image
image
image
image
image
image
image
image
image
image
image
image
image
image
image
image
image
image
image
image
image
Av: Kjetil Vasby Bruarøy

Onsdag 15. mai heldt Midtsiden si årlege kåring av beste russebil i Os. Premieutdeling var på staden, så vi har venta til russen har kome seg til hektene igjen med å legga ut rapport med bildeserie frå kåringa.

11 bilar, inkludert ein minibuss, stilte til kåring, dei fleste med meir eller mindre full bemanning.

Årets jury var Mia Lindborg, russepresident i 2010 (året russen stal showet på Kyrkjeflaten) og venninna Tiril Grønvigh, som var russ i Bergen i 2013.

Med utgangspunkt i kriteria frå i fjor var juryen einig i følgjande kriterium:
• Utvendig skal bilen sjå ut som ein russebil. Mange sponsorar drar opp, det er teikn på at ungdomen har stått på.
• Interiøret skal vera fint, praktisk, komfortabelt - helst med sitjegruppe der passasjerane sit mot kvarandre. God eigeninnsats er positivt.
• Lys, lys og andre effektar blir vurdert.
• Totalinntrykket skal gi juryen lyst på ein fest

Old school 

Mia og Tiril la ikkje skjul på at dei er konservative. «Escape Serenity» fekk trekk for at dei, i mangel på avgjerd mellom raud og blå, hadde malt bilen lyseblå. «Hvite Jenter» fekk stryk for namnet, sjølv om det speler på den populære ungdomsserien «Hvite Gutter».

Samtidig var juryen nær på å gi ein eigen pris til «The Lazaruss Effect» utelukkande fordi dei køyrer «den originale russebilen», altså ein Chevrolet.

Årets russebil i Os

Men det var tre andre bilar som la seg i tet. Det var tre prisar å dela ut; årets russebil, andreplass og beste lyd.

«Tony Tone» trengte berre å møta opp for å motta prisen for beste lyd. Gutane om bord har leigd eit monsteranlegg som har skapt overskrift, og som har vore med på å gjera at Osrussen har halde seg mykje i heimbygda i år.

– I tillegg kunne den fått pris for beste lukt, sa juryen, som meinte den skyhøge rølpefaktoren hadde skapt ein ekte russebilatmosfære i minibussen.

Mange sponsorar, catchy interiør og teikn på stor eigeninnsats sette juryen på sporet av to finalistar. Mia hadde «Wanted Vision» som favoritt, Tiril hadde «Call of Booty».

– Eg fekk lyst å bli med på festen med éin gong eg kom inn i «Wanted Vision, den hadde dessutan veldig god lyd inne og ute.

– Men Call of Booty var òg fin, og har i tillegg veldig gode sete og bra innvendig lys, sa Tiril.

Årets russebil i Os er Call of Booty.

Wanted Vision fekk 2. plass.

– Det var fleire som utmerkte seg, som «Varsity», som du kan stå inni, og som har ekstra sete baki, Ball with my Bros som hadde mellombar om bord, og høg rølpefaktor, og KOD, som har mikrobølgeomn i bilen!

– Vi forstår godt at årets kull har hatt tre fantastiske veke! seier Mia og Tiril.

(Underteikna er inhabil i år, og var ikkje del av juryen)

Fleire saker