Arrangerer fakkeltog
Sånn vil Bjørnafjorden kommune markera eittårsdagen for invasjonen av Ukraina.
«365 dagar med motstand - saman for Ukraina» er tittelen på den planlagde soldaritetsmarkeringar over heile landet fredag 24. februar, eittårsdagen for krigsutbrotet i Ukraina.
Lokalt inviterer Den Ukrainske Foreining i Bjørnafjorden kommune til fakkeltog på Osøyro. Det blir appellar og høve til å visa solidaritet og støtte til det ukrainske folket.
– Det blir frammøte ved sanitetshuset Kløvertun frå klokka 17.30. Her blir det oppstilling av tog og sal av faklar. Fakkeltoget startar å gå kl 18.00 og ruta vil vera via Landboden og Torggata til Vognhallen, fortel kultursjef Erik Vangsnes i ei pressemelding.
Ved Vognhallen blir det samling i friluft under tak med kulturinnslag og appellar frå m.a. ordførar Trine Lindborg og leiar for Den Ukrainske foreining i Bjørnafjorden kommune, Julia Tveit.
– Alle som ønsker å visa si støtte og solidaritet med det krigsherja folket i Ukraina, er hjarteleg velkomne til vera med på markeringa.
Julia Tveit fortel at foreininga er open for medlemskap frå nordmenn som ønsker å støtta arbeidet deira.
Arrangementet 24. februar er eit samarbeid med andre lokale organisasjonar og Bjørnafjorden kommune.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.