Årsaka uklar - førarkortet beslaglagt

Like før klokka 12.25 i går var det ei trafikkulykke på Moberg.

Ein bil køyrde utfor vegen og inn i ein stolpe ved fotgjengarfeltet på staden.

Vitne på staden fortalde til Midtsiden at to bilar, i kvar sin retning, hadde stoppa for fotgjengar med barnevogn, som skulle kryssa gangfeltet.

Så kom ein tredje bil, retning frå Os mot Moberg, og oppdaga noko seint at det var stopp ved fotgjengarfeltet.

Bilførar vart frakta til legevakt for sjekk.

Har teke beslag i førarkortet

Politioverbetjent ved Os Lensmannskontor, Anne Lyssand, kan i dag fortelja at det er tatt beslag i førarkortet til bilførar, ei kvinne i 70-åra.

– Saka er framleis under etterforsking, og det er framleis uklart kva som var årsaka til ulykka.

Utan førarkort i sentrum

Rundt klokka 10.30 i går formiddag vart ein bilførar stoppa av politiet si patrulje i Os sentrum.

Mannen, som er i seint tjueåra, hadde ikkje gyldig førarkort.

– Det er oppretta sak, fortel Lyssand.