Åsane slo Os ut av cupen
Os var nær på å senda NM-kampen vidare til ekstraomgangar, i staden stakk Vegard Leikvoll Moberg med lagkameratar av med billetten til 2. runde.
Bildeserie:
Onsdag gjekk dei siste kampane i 1. runde i NM, og Os tok imot Åsane frå divisjonen over. Åsane, som blant anna har osingen Vegard Leikvoll Moberg i startellevaren, tok leiinga i eit av dei første speleminutta.
Etter ein dryg halvtime hadde Os ei dårleg klarering og Åsane auka til 2-0 som sto seg til pause.
– Eg følte at vi hadde grei kontroll i første omgang. Os datt litt saman etter den raske 0-1-skåringa, meiner Leikvoll Moberg.
Os reduserte i 2. omgang og produserte fleire store sjansar. Men ballen gjekk ikkje i mål og Åsane sette inn 1-3 på overtid.
Os - Åsane 1-3 (0-2)
Os sitt mål: Preben Borgen (straffe)
I 2. omgang opna gjestane best, men 5-10 minutt ut i omgangen kom Os meir inn i kampen, spelte fint og hadde nokre gode initiativ.
Før pause blei Os-kaptein Stian Lunde skadd. Anders Kinden kom inn og Valvik blei flytta bak i midtforsvaret.
– Eg er på legevakten no, berre for å få ein sjekk. Eg trur ikkje det er noko alvorleg, men det er for tidleg å seia kor tid eg er på banen igjen, seier Lunde.
Hektisk i Åsane-forsvaret
Også Åsane måte ommøblera litt, så Leikvoll Moberg hamna i gjestane sitt midtforsvar.
Der fekk han det travelt ein periode, og då Christer Olsen på kjempesjanse blei felt av Åsane-keeperen blei det straffe som Preben Borgen, som i 4-1-sigeren over Stavanger i serien i helga, sette trygt inn, kliss i venstre stolpe.
– Eg synes vi gjorde det bra mot eit godt 2. divisjonslag. Spelet vårt fungerte bra i periodar og vi hadde fleire fine enkeltprestasjonar, seier Os-trenar Tim Henrik Sperrevik.
Meir handlekraftige
Etter 1-2-reduseringa auka Os trykket. Den største sjansen til å senda NM-oppgjeret til ekstraomgangar var innlegget frå Borgen som Fredrik Heggland, som skåra sitt første for A-laget i førre serierunde, banka i stolpen og ut.
– Åsane var meir handlekrafige framfor eige mål og framfor vårt mål. Vi får ta med oss dette som ei god erfaring og satsa på å halda fram med gode kampar i serien, seier Tim.
Åsane sette inn 1-3 på overtid og er vidare til 2. runde. I fjor kom Åsane til 3. runde, der dei tapte 0-1 for Brann.
Andre resultat frå NM 2. mai:
Arna-Bjørnar - Fyllingsdalen 2-1
Austevoll - Nest Sotra 2-4
Stavanger - Ålgård 0-1
Øystese - Vard Haugesund 2 - 5
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.